هو :
'اوكي.'

هي :
'و لا اقولك ..؟'

هو:
'ها .. اطلبلك انتي كمان ؟'

هي:
'مش عارفة.'

هو :
'مش عارفة اذا كنتي عاوزة ولالا ؟'

هي :
'لا.'

هو :
'انتي جعانة؟'

هي:
'يعني ..'

هو :
'يعني ايه يعني...؟'

هي:
'يعني معناها مش متأكدة اذا كنت جعانة او لا.'

هو:
'الواحد لما يكون جعان بيعرف'

هي :
'مهو يمكن اجوع بعدين'

هو:
'معناها اطلب لك بيتزا.'

هي :
'طيب و اذا ما كنتش جعانه وقتها..؟'

هو:
'ما تاكليش .'

هي:
'بس كده بيكون تبذير'

هو:
'طيب .. تاكليها بكرا.'

هي:
'و اذا ما كانش ليا نفس آكل بيتزا بكرا؟'

هو:
'دي مش محتاجه نفس .. الواحد بيقدر ياكل البيتزا كل يوم '

هي:
'انا لا .. ما باكلش بيتزا الا لما يكون عندي نفس للبيتزا.'

هو:
'معناها اطلبلك حاجه تاني'

هي:
'بس انا مش عايزة حاجه تاني'

هو:
'يعني عايزة بيتزا؟.'

هي:
'لا.'

هو:
'يعني مش عاوزة حاجه ؟.'

هي:
'مش عارفه .'

هو :
'جننتي امي عاوزه ايه ؟'

هي:
'اطلب انت لنفسك ..'

هو:
'اخيرا .. ماشي..'

هي:
'بس اطلب بيتزا بالتونا'

هو:
'بس انا مش بحب التونا.'

هي :
'بس انا بحبها.'

هو :
'وهو انا طالب ليا ولا ليكي ...؟!'

هي:
'ليك طبعا.'

هو :
'طيب و ليه بالتونا. ..؟'

هي:
'يمكن اجوع لما يوصل الاكل'

هو:
'و بعدين يعني؟'

هي :
انت فاكر يعني آكل حاجه مش بتعجبني؟'

هو:
'ليه هو انتي عاوزة تاكلي؟'

هي:
'ليه لا ؟'

هو :
' يا مثبت العقل و الدين .. هو انا اطلب بيتزا ليا , عشان انتي تاكليها اذا جعتي فجأه ؟؟'

هي:
'بالضبط.'

هو:
'و انا هاكل اي طيب ؟'

هي:
'مهو يمكن مش اجوع فتاكل انت ...'


ملاحظة: محكمة الجنايات قررت الافراج عن الزوج المتهم بتهمة 'قتل الزوجة
مع سبق الاصرار و الترصد' و تحويل القضية الى 'قتل الزوجة دفاعا عن النفس